რისთვის ვირჯები
იმიტომ რომ საქმე არ მაქვს.
ქართული ინტერნეტი, როგორც ჭიდილი
მაგრამ არა, არ მინდა მცდარი შთაბეჭდილება შეგიქმნათ და უსაქმური გეგონოთ. უბრალოდ, ხანდახან, ძალიან იშვიათად, უძალიანიშვიათესად, არ მაქვს საქმე და სწორედ მაშინ მოვაშურებ აქაურობას. როგორც თავად მიხვდებოდით, ამ ბლოგს არანაირი თემატური დატვირთვა არ გააჩნია, არამედ წარმოადგენს მისი ავტორის, ანუ იგივე ჩემი, ნააზრევისა და ნაფილოსოფარის თავის მოყრის ადგილს. არ ვიცი, ვინმე თუ კითხულობთ საერთოდ აქ დაწერილს სიბრძნეებს. მთავარია, რომ ეს სიბრძნე ყველასათვისაა ხელმისაწვდომი, ვინც ქართული იცის. ალბათ, სჯობდა უფრო გლობალურ ენაზე, კერძოდ, ინგლისურად მეწერა, მაგრამ ქართულ ინტერნეტ-სამყაროსაც ხომ სჭირდება ცოტა გამდიდრება! დაე, მეც შევიტანო ჩემი კოსმიური წვლილი ამ დიად საქმეში!
2 Comments
leave one →
კოსმიური ჯვაროსნის ჩანაწერები 
მომწონს შენი ბლოგი. კარგად წერ ^^
მადლიერი!